Azərbaycan, Bakı, 06 yanvar / Trend /
"İran mart ayına ölkədə polad istehsalının ildə 17,1 milyon tonadək artacağını gözləyir. Hazırda 11 milyon ton polad istehsal edilir", - bu barədə İranın Sənaye və Mədənlər Nazirliyinin İnkişafı və Yenidən Qurulması Üzrə Təşkilatın idarə heyətinin sədri Əli Heratinik bildirib. İranın IRIBnews televiziyasının saytı məlumat verir.
Onun sözlərinə görə, polad istehsalının 15,8 milyon tonu dövlət sektorunun, qalan hissəsi isə özəl müəssisələrinin payına düşəcək.
Bu gün Heratinik Şəhrkürd şəhərində avtomobillər üçün polad lövhələrinin buraxılışı üzrə zavodun açılış mərasimində iştirak edib.
"Zavodda minik və yük maşınları üçün ildə 400 min ton polad lövhə istehsal ediləcək", Heratinik deyib.
Onun sözlərinə görə, yeni zavodun istismara verilməsi ilə İranın avtomobil zavodlarının polad lövhələrə olan tələbatı tam ödənəcək ki, bu da bu məhsulun idxalına imtina etməyə gətirib çıxaracaq.
