Azərbaycan, Bakı, 18 yanvar / Trend , müxbir E.İsmayılov/
2010-cu ildə Azərbaycan təxminən 700-800 "Daewoo" markalı yeni iri sərnişin avtobusu ala bilər. Bu barədə bazar ertəsi Azərbaycanın Nəqliyyat Nazirliyi katibliyinin rəhbəri Namiq Həsənov deyib.
"Yeni avtobuslar, hələ ötən il City Bus və Cənubi Koreyanın "Daewoo" şirkəti arasında imzalanan, 1000 yeni avtobusun tədarükünü nəzərdə tutan müqaviləyə əsasən gətirilməlidir", - Həsənov deyib.
Onun sözlərinə görə, ötən il həmin müqavilə çərçivəsində 200-300 avtobus alınıb. "Bu il City Bus avtobusların ümumi sayından qalan hissəni ala bilər", - Həsənov əlavə edib.
2008-ci ildən ölkəyə cəmi 1600 yeni avtobus gətirilib ki, bunun da təxminən 1000 ədədi 2009-cu ildə gətirilib.
