Azərbaycan, Bakı, 28 yanvar / Trend , müxbir E.İsmayılova/
Azərbaycanın Maliyyə Nazirliyi on aparıcı sığorta şirkətinin 2009-cu il ərzində fəaliyyət yekunlarını açıqlayıb. Sığorta yığımlarının ümumi həcminin 82,1 faizi və ümumi ödəmələrin 88,38 faizi həmin on sığorta şirkətinin payına düşüb. Azərbaycanda, ümumilikdə, 28 sığorta və bir təkrar sığorta şirkəti fəaliyyət göstərir.
|
Sığorta yığımları və ödəmələri üzrə reytinqə ötən il olduğu kimi bu il də Atasigorta SŞ liderlik edir.
Ölkədə fəaliyyət göstərən bütün sığorta şirkətlərinin 2009-cu il ərzində ümumi haqlarının həcmi 163,31 milyon manat təşkil edib, 53,07 milyon manat ödəmələr həyata keçirilib. 2008-ci ildə sığorta yığımları 48,81 milyon manat, ödəmələr isə 179,26 milyon manat təşkil edib.
Azərbaycan Maliyyə Nazirliyinin 2009-cu il ərzindəki hesabatında yeganə təkrar sığorta şirkəti "Az RE Tekrarsigorta"nın fəaliyyət yekunları göstərilməyib.
Yanvarın 28-nə olan rəsmi məzənnə 0,8035 AZN/USD təşkil edib.
