Yanvarda Azərbaycana idxalın azalması tendensiyası davam edib

Azərbaycan, Bakı, 20 fevral / Trend , müxbir Ü.İsmayılova/

Azərbaycan Dövlət Gömrük Komitəsi (DGK) yanvarda dünyanın 99 ölkəsi ilə keçirilmiş xarici ticarət əməliyyatlarının yekunlarını elan edib. Bu barədə şənbə günü Gömrük Komitəsindən məlumat verilib. Ölkənin ümumi əmtəə dövriyyəsinin həcmi 1,79 milyard dollar təşkil edib. Xarici ticarət əməliyyatlarında 1,06 milyard dollarlıq müsbət saldo yaranıb.

Bu dövr ərzində xarici ticarət əməliyyatlarına 1,84 min hüquqi və fiziki şəxs cəlb olunub ki, onlardan 1,33 mini hüquqi, 543 mini isə fiziki şəxsdir.

Ölkənin ixraca əməliyyatları 2009-cu ilin analoji dövrünə nisbətdə 5,63 faiz və ya 0,733 milyard dollar artaraq 1,42 milyard dollar təşkil edib. İxracda dövlət sektorunun payı 1,36 milyard dollar (95,84 faiz), özəl sektorun payı 53,45 milyon dollar (3,74), fiziki şəxslərin payı isə 6,03 milyon dollar (0,42 faiz) təşkil edib.

Yanvar ayı ərzində idxal 29,43 faiz və ya 0,151 milyon dollar azalaraq 0,363 milyard dollara çatıb. İdxal əməliyyatlarında dövlət sektorunun payı 1,203 milyard dollar (33,09 faiz), özəl sektorun payı 0,221 milyard dollar (60,61 faiz), fiziki şəxslərin payı isə 0,229 milyon dollar (6,3 faiz) təşkil edib.

Ötən il Azərbaycandan 497 növdə məhsul ixrac olunub, ölkəyə 2677 min növdə məhsul idxal olunub.

Aşağıda Azərbaycanın əsas xarici ticarət tərəfdaşlarının siyahısı təqdim olunub:

İxrac

İdxal