Azərbaycan, Bakı, 19 mart / Trend , müxbir N.İsmayılova/
Azərbaycanda yeganə qızıl istehsalçısı olan "Anglo Asian Mining plc" şirkəti cari ilin fevral ayı ərzində Azərbaycanın "Gədəbəy" qızıl-mis mədənindən 4007 unsiya qızıl istehsal edib. Bu barədə şirkətin məlumatında deyilib.
"Şirkət 4007 unsiya qızıl istehsal edib ki, bunun nəticəsində də 2009-cu ilin iyun ayından - fəaliyyətə başlayandan bəri istehsalın həcmi 18 855 unsiyaya çatacaq", - şirkətin məlumatında deyilib.
Şirkət rəhbərliyi hesab edir ki, hasilat fəaliyyətinin ilk 12 ayı ərzində qızıl 30 iyun 2010-cu ilədək nəzərdə tutulmuş 25 000 unsiya qızıldan çox olacaq.
Fevralda, həmçinin misin bərpa edilməsi və emal edilməsinə start verilib. Mis tərkibində həmçinin kommersiya dəyərli gümüş olan konsentrat formasında hasil ediləcək. İstehsalın bu sahəsində əldə edilmiş ilkin nəticələr perspektivlidir. İstehsalat prosesinin optimallaşdırılmasından sonra, zavodun avtomatlaşdırılması sistemi quraşdırılacaq. Zavod gücü ilik 1800 ton mis konsentratdır, lakin istehsalın həcmi filiz mineralından və proseslərin effektliliyindən asılı olacaq. İlkin analizlərin nəticələri göstərir ki, mis konsentratları özündə 70-80 faiz mis və hər tona görə 4000-dən 6000-dək gümüş cəmləşdirir.
"Anglo Asian Mining PLC" şirkəti 1997-ci ildə Azərbaycan hökuməti ilə imzaladığı PSA tipli müqavilə əsasında Azərbaycanın şimal-qərbindəki altı yataqda - Gədəbəy, Qoşa Bulaq, Qızıl Bulaq, Veynəli və Söyüdlü yataqlarında işləmək hüququna malikdir.
