Azərbaycan, Bakı, 26 aprel /Trend, müxbir Ü.İsmayılova/
Azərbaycanın kənd əhalisi arasında öz məhsullarının sığortası anlayışı yoxdur. Kənd Təsərrüfatı Nazirliynin bitkiçilik məhsullarının istehsalına və emalına nəzarət üzrə şöbənin rəisi Sabir Vəliyev belə hesab edir.
"Baxmayaraq ki Azərbaycanın Kənd Təsərrüfatı Nazirliyi kənd təsərrüfatı sığortasının vacibliyi barədə əhalini müntəzəm məlumatlandırır, fermerlər sığorta şirkətlərinin xidmətlərinə müraciət etmirlər", - Vəliyev deyib.
Onun sözlərinə görə, fermerlərin öz təsərrüfatlarını sığorta etməkdən imtina etməsinin əsas səbəbi odur ki, onlar sığorta şirkətlərinə etibar etmir, hətta sığortanın bu növü üzrə tədiyənin 50 faizinin dövlət büdcəsinin vəsaiti hesabına təmin olunması barədə Nazirlər Kabinetinin qərarı olsa da.
"Fermerlərin öz məhsullarını, həmçinin, torpaqlarındakı əmlaklarını sığorta etmələri
hava şəraiti nəticəsində zərər və itkinin minimuma endirilməsinə səbəb ola bilər", - Vəliyev hesab edir.
2007-ci ilin yayında təsdiqlənmiş Azərbaycanda kənd təsərrüfatının inkişafı və yardım haqqında qanuna əlavələrə əsasən, kənd təsərrüfatı sığortasında dövlət tədiyəsinin maliyyələşdirilməsinin payı 25 faizdən 50 faizədək artırılıb.
Qalan 50 faiz sığorta şirkətləri tərəfindən sığorta olunur. Azərbaycanda kənd təsərrüfatı sığortasının orta tarifi ildə 1500 manata yaxın (bir hektara görə beş faiz) təşkil edir, bir hektar torpağa görə orta mənfəət ildə 25 min manata çatır.
Dövlət büdcəsi hesabına sığorta olunan kənd təsərrüfatı bitkilərinin siyahısına buğda, arpa, qarğıdalı, günəbaxan, kartof, şəkər çuğunduru, tərəvəz, göyərti daxildir.
Kənd Təsərrüfatı Nazirliyi 2008-ci ildə dövlət tərəfindən sığorta olunan kənd təsərrüfatı məhsullarının genişləndirilməsi üçün Nazirlər Kabinetinə müraciət edib. Siyahıya meyvə, düyü və paxlalı bitkilərin daxil edilməsi təklif olunub.