Gürcüstan, Tbilisi, 7 iyun /Trend, N.Kirsxaliya/
Gürcüstan XİN rəhbəri Qriqol Vaşadze iyunun 7-8-də İspaniyaya işgüzar səfər edəcək.
Gürcüstan XİN-dən bazar ertəsi verilən məlumata görə, səfər çərçivəsində nazir öz ispan həmkarı Migel Anxel Moratinosla görüşəcək.Tərəflər gəlirlərə və kapitala ikiqat vergi qoyulmasının və vergilərin ödənilməməsinin qarşısının alınması haqda razılaşma imzalayacaq.
Səfər çərçivəsində, həmçinin, gürcü-ispan siyasi məşləhətləşmələri baş tutacaq. Gürcü nümayəndə heyətinə danışıqlarda xarici işlər nazirinin müavini Aleksandr Nalbandov başçılıq edəcək.
