Azərbaycan, Bakı, 23 iyun /Trend, müxbir N.İsmayılova/
Azərbaycanın vergilər naziri Fazil Məmmədov və Birləşmiş Ərəb Əmirliklərinin (BƏƏ) Azərbaycandakı səfiri Fəhd bin Əli əl-Dursari iki ölkə arasında gəlir və mülkiyyətlə bağlı ikili vergiqoyma və vergilərin ödənilməsindən yayınma halları üzrə ikitərəfli sazişin bağlanması məsələlərini müzakirə ediblər. Bu barədə nazirliyin nəşr etdiyi "Vergilər" qəzetində deyilir.
Görüşdə sazişin imzalanması ilə bağlı işin gücləndirilməsinin əhəmiyyəti vurğulanıb. Qeyd edilib ki, bu, iki ölkə arasında münasibətlərin genişlənməsinə təkan verəvək.
BƏƏ-nin Azərbaycandakı səfirinin sözlərinə görə, Azərbaycan və BƏƏ arasında iqtisadi münasibətlərin genişlənməsi hər iki ölkənin marağındadır. Əl-Dursari bildirib, iki ölkə arasında mal dövriyyəsini artırmaq üçün potensial da mövcuddur.
