Azərbaycan, Bakı, 14 avqust/Trend, müxbir N.İsmayılova/
Beynəlxalq Maliyyə Korporasiyası (BMK) Azərbaycanda sahibkarlıq fəaliyyətinin mövcud lisenziyalaşdırılma sisteminin təkmilləşdirilməsi üzrə tövsiyələr hazırlayıb. Bu barədə BMK-nın rəsmi mətbuatda şənbə günü yerləşdirilən məlumatında deyilir.
Maliyyə korporasiyası qanunvericiliyin lisenziyalaşdırma qaydalarına əlavə və dəyişikliklərin edilməsini, yeni lisenziyanın alınması üçün əsasların müəyyənləşdirilməsini, lisenziyalaşdırma proseduru ilə bağlı sahibkarların hüquqi biliklərinin artırılmasını tövsiyə edir.
BMK-nın icazə sistemin təkmilləşdirilməsi üzrə tövsiyələrə sənəd sayının azaldılması, zonaların təsirinin azaldılması, lisenziyanın verilməsi üzrə prosedurun, qüvvədə olan qanunvericilik aktlarında onların sayı və anlayışının tam müəyyən edilməsi, icazənin alınması üçün yeni növlərin tətbiq edilməsi ilə bağlı tutarlı əsasların təqdim edilməsi, icazələrin müəyyən növlərinin verilməsi üzrə "bir pəncərə" sisteminin tətbiqi daxildir.
Azərbaycanda lisenziyalaşdırma sistemi əsasən lisenziyalaşdırma qaydalarına və Nazirlər Kabinetinin fəaliyyət növündən asılı olaraq xüsusi icazələrin verilməsinin əlavə tələbləri haqqında Əmrinə əsaslanır.
Bu günədək Azərbaycanda icazə sisteminin iki mənbəyi var - sovet vaxtında hazırlanan və bazar iqtisadiyyatının müasir tələblərinə cavab verməyən qayda və texniki tələblər, bazar iqtisadiyyatının tənzimlənməsi məqsədilə son illər qəbul edilən bəzi normativ-hüquqi aktlar.
Hazırda qüvvədə olan icazı sistemində sistemili yanaşmanın olmaması səbəbəindən bəzi ziddiyyət var. Bu, lisenziyanın verilməsi, qaytarılması üzrə dəqiq prosedurun və onların tam siyahısının olmamasından xəbər verir.
Azərbaycanda lisenziyalaşdırma və icazə sisteminin təkmilləşdirilməsi üzrə tövsiyələr BMK-nın biznes-mühitin yaxşılaşdırılması layihəsi (AzBEE) çərçivəsində hazırlanıb.
Hazırda Azərbaycanda 57 növ lisenziyalaşdırma və 200-dən çox icazə növu haqqında məlumat bazası var.
"AzBEE" layihəsi BP şirkəti və İsveçrənin iqtisadi məsələlər üzrə Dövlət Katibliyi (Seco) tərəfindən birgə həyata keçirilir. "Seco" Azərbaycan hökumətinə 4,3 milyon dollar, BP şirkəti isə təxminən 0,456 milyon dollar məbləğində qrant verib.
