Azərbaycan, Bakı, 16 avqust /Trend, müxbir N.İsmayılova/
Dövlət Statistika Komitəsinin məlumatında bildirilir ki, avqustun 1-nə Azərbaycanda rəsmi olaraq 39,7 nəfər işsiz qismində qeydiyyatdan keçib, işsizlərin 43,5-i qadınlardır. Ölkədə bir vakant iş yerinə dörd işsiz iddialıdır.
Göstərilən dövrdə ölkənin əmək qabiliyyətli əhalisinin sayı 4338,9 nəfər təşkil edib. Bu arada 1358,4 nəfər muzdla işləyir.
Dövlətin istehsalat sektorunda muzda çalışanların 19,4 faizi sənaye, 4,7 faizi tikinti, 2,7 faizi isə kənd və meşə təsərrüfatında, balıqçılıq sahəsində çalışır. Xidmət sahəsinə gəlincə isə, bu sahədə çalışanların 26%-i təhsil, 10,1%-i səhiyyə və sosial xidmətlər, 5,6%-i nəqliyyat və rabitə, 1,5%-i kommunal və sosial sahədə, 0,6%-i daşınmaz əmlak, 3,9 faizi ticarət ilə bağlı əməliyyatlar sahəsində, 3,9%-i dövlət idarəetməsi və müdafiə sahəsində, 20,2%-i topdansatış və pərakəndə ticarət, avtomobillərin, məişət avadanlıqlarıın təmiri, 0,9%-i isə digər sahələrdə çalışır.
Yanvar-iyunda iqtisadi fəaliyyətlə məşğul olan əcnəbilərin sayı 7 091 nəfər təşkil edib. Onlardan 2 272 nəfər sənayedə, 2 620 nəfər tikintidə, 31 nəfər daşınmaz əmlak əməliyyatlarında, 309 nəfər ticarətdə, 339 nəfər təhsil sektorunda, 168 nəfər rabitə və informasiya sahələrində, 102 nəfər nəqliyyatda, 176 nəfər isə digər sahələrdə çalışır.
İşsizlik üzrə müavinətin orta məbləği 154,4 manat təşkil edir.
Avqustun 16-na rəsmi məzənnə 0,8038 AZN/USD təşkil edir.
