Azərbaycan, Bakı, 20 avqust /Trend, müxbir İ.Xəlilova/
"KfW" Almaniyanın İnkişaf Bankı Azərbaycanda kənd yerlərinin aqromaliyyələşdirilməsi layihəsinin ikinci mərhələsi çərçivəsində ölkəyə üç milyon avro ayırmağı planlaşdırıb. Bu barədə "KfW"in Bakı ofisindən bildiriblər.
"Bu vəsaitlər birinci mərhələdə olduğu kimi, subordinasiya kreditləri qismində veriləcək. Halbuki belə kreditlər ikinci səviyyəli kapitala daxil edilir, lakin onların vəsaiti regionlarda kənd əhalisinin kreditləşməsi üçün təyin ediləcək", - "KfW"dən bildiriblər.
Lakin alman bankının Bakı ofisində "KfW"in kredit resurslarını əldə edə biləcək bankların sayını deməkdə çətinlik çəkiblər.
Layihənin birinci fazasının dəyəri beş milyon avro təşkil edir ki, ona da kredit hissəsi ilə yanaşı, texniki yardım da daxil edilib. Kredit resursları iki kredit təşkilatı "Bank Respublika" və qeyri-kredit təşkilatı "CredAgro" arasında bölüşdürülüb. "Dəmirbank" texniki yardım alıb. "Bank Respublika" 1,5 milyon avro, "CredAgro" isə 2 milyon avro alıb. Qalan vəsaitlər "Dəmirbank" üçün nəzərdə tutulub, onunla sazişin imzalanması hələ ki ləngiyir.
Bu vəsaitlərin başqa banka ayrılması və ya ikinci fazanın büdcəsinə daxil edilməsi istisna olunmur.
İlk saziş banklardan fərqli olaraq yalnız aqromaliyyələşmədə ixtisaslaşan "CredAgro" ilə imzalanıb.
Birinci mərhələ Şəki-Zaqatala və Qax kəndlərini əhatə edəcək.
Kreditlərin şərtləri "Almaniya-Azərbaycan" Fondu vasitəsilə bankların maliyyələşdirilməsi şərtləri ilə oxşardır.
"CredAgro" 2000-ci ildə ACDI-VOCA beynəlxalq humanitar təşkilatı tərəfindən təsis edilib. Təşkilatın nizamnamə kapitalı beş min dollar, müştərək kapitalı isə yeddi milyon manat təşkil edir.
Hazırda "CredAgro"nun fəaliyyəti regionlardakı layihələrin maliyyələşdirilməsinə yönəldilib və 12 rayonu əhatə edir. Bununla əlaqədar doqquz nümayəndəliyini yaradıb və köməkçi ofislərə malikdir. Onun kreditləşdirmə sahələri müxtəlifdir, buna ipotekadan başqa, kənd təsərrüfatından başlayaraq ticarət əməliyyatlarının, infrastruktur, lizinq, istehlak kreditləşməsinə kimi bütün istiqamətləri adi etmək olar.
"Dəmirbank" ASC fəaliyyətə 1989-cu ildə başlayıb. Son 18 il ərzində bank əvvəlki "Azərdəmiryolbank" adı ilə daha da inkişaf edib və Azərbaycanın bank bazarında öz mövqeyini daha da gücləndirib. Hazırda "Dəmirbank" ASC ölkənin beş böyük bankı sırasına daxildir, paytaxt və regionlarda 20 şöbə və filialı var. Bankın səhmdarları sırasına AYİB və FMO kimi böyük beynəlxalq maliyyə təşkilatları daxildir. AYİB və "Netherlands Development Finance Company"yə bankın səhmlərinin 35 faizi məxsusdur. 2005-ci ilin dekabrından AYİB bankın "25+1" səhmini alıb. Paytaxt və regionlarda bankın 32 filial və şöbəsi fəaliyyət göstərir.
"Bank Respublika" fəaliyyətinə 1992-ci ilin mayın 22-dən başlayıb. Bankın əsas prioritetlərindən biri fəaliyyət coğrafiyasını və müştəri xidmətləri şəbəkəsini genişləndirməkdir. Hazırda bankın 34 filialı və şöbəsi var.
Bankın səhmdarları sırasına Almaniyanın iki böyük təşkilatı - "KfW" bank qrupuna daxil olan DEG və "Sparkassen-Finanzgruppe"in üzvü SIDT daxildir.
Avqustun 20-nə rəsmi məzənnə 0,8038 AZN/USD təşkil edir.
