Azərbaycan, Bakı, 5 oktyabr /Trend, müxbir N.İsmayılova/
Azərbaycanda yerli bankların verdikləri kreditlər üzrə faiz dərəcələrinin azalması müşahidə olunur. Bu barədə çərşənbə axşamı Azərbaycan Mərkəzi Bankı (AMB) Kredit Təşkilatlarına Nəzarət Departamentinin rəhbəri Rəşad Orucov deyib.
"İyunun 1-dən etibarən Azərbaycan Depozitlərin Sığorta Fondunun (ADİF) təklif etdiyi sığorta ödənişinin əmanətləri üzrə fazi dərəcələrinin maksimal həddi 12 faizədək azaldılıb, bunun fonunda isə depozitlər üzrə faiz dərəcələrinin ucuzlaşması müşahidə olunur", - Orucov qeyd edib.
Orucovun sözlərinə görə, yeni verilən kreditlərə dərəcələr artıq azaldılıb, lakin ümumilikdə, orta faiz dərəcələrinin dəyişmə dinamikasını müşahidə etdikdə bunu hiss etmək çətindir, çünki yeni kreditlərin payı o qədər də çox deyil.
Onun sözlərinə görə, yerli banklar korporativ sektoru 15-17 faiz üzrə kreditləşdirir, istehlak kreditləri üzrə dərəcələr isə 33 faizə yaxındır.
"İstehlak krediti daha bahalı və riskli məhsul hesab olunur, odur ki, bu növ üzrə dərəcələr korporativ kreditləşmə üzrə olan dərəcələri ötür, lakin məhsulun bu növü üzrə azalma da gözlənilir", - o qeyd edib.
