...

Azərbaycan ərazisindən keçən "Şimal-Cənub" dəhlizinin marşrutu daha məqsədəuyğundur

Biznes və iqtisadiyyat xəbərləri Materials 12 Oktyabr 2010 15:09 (UTC +04:00)

Azərbaycan, Bakı, 12 oktyabr /Trend, müxbir E.İsmayılov/

Azərbaycan ərazisindən keçən "Şimal-Cənub" dəhlizi marşrutunun variantı daha məqsədəuyğundur. Bu barədə çərşənbə axşamı Bakıda "Azərbaycan Dəmir Yolları" QSC-nin rəhbəri Arif Əsgərov deyib.

Əsgərovun sözlərinə görə, bu, hər şeydən əvvəl digər variantlarla müqayisədə daha qısa məsafə, infrastrukturun və yalnız bir tranzit ölkənin olması ilə bağlıdır.

Azərbaycan ərazisi ilə keçən marşrut variantı Azərbaycan, Rusiya və İranın dəmiryollarının birləşdirilməsini nəzərdə tutur. Layihənin həyata keçirilməsinə 400 milyon dollar investisiya lazımdır. Bununla yanaşı, investisiyaların çox hissəsi İran ərazisində işlərin görülməsi üçün lazımdır. Burada uzunluğu 365 km olan Qəzvin-Rəşt-Astara sahəsinin tikintisi nəzərdə tutulur.

Azərbaycan ərazisində işlərin görülməsinə 35-40 milyon dollar lazımdır. Burada dəmiryolun uzunluğu 8 km-dən çox olan hissəsi tikiləcək, müvafiq gömrük infrastrukturu yaradılacaq.

"Rusiya Dəmir Yolları" SC-nin birinci vitse-prezidenti Vadim Morozovun sözlərinə görə, "Şimal-Cənub" dəhlizi çərçivəsində üç marşrut nəzərdən keçirilir. Birinci marşrut Azərbaycandan, ikincisi Qazaxıstan, Türkmənistan və İran ərazisindən, üçüncü variant isə Həştərxan, Mahaçqala və digər limanlar kimi Xəzəryanı limanlardan istifadə. Morozov Azərbaycan ərazisindən keçən dəhliz variantının böyük perspektivə malik olduğunu qeyd edib.

Xəbər lenti

Xəbər lenti