Azərbaycan, Bakı, 21 oktyabr /Trend, müxbir N.İsmayılova/
Azərbaycan Beynəlxalq Bankının Qətərdə öz nümayəndəliyinin açılmasına marağı qalmaqdadır. Bu barədə cümə axşamı bankın idarə heyətinin sədri Cahangir Hacıyev deyib.
"Nümayəndəliyin açılması məsələsi hələ də gündəlikdədir. Sadəcə olaraq, bank müəyyən bürokratik çətinliklərlə qarşılaşıb və əlbəttə, bu prosesin yubanmasına dünya iqtisadiyyatında yer almış dünya maliyyə böhranı da öz təsirini göstərib", - Hacıyev qeyd edib.
Onun sözlərinə görə, buna baxmayaraq, bank Qətərdə nümayəndəliyin açılması üzrə səylərini bundan sonra da davam etdirəcək.
"İran körfəzi regionu dünya iqtisadiyyatında mühüm rol oynayır. Bundan başqa, ABB "islam bankçılığı"nın tətbiqi üzrə işlər görür və bu regionun ölkələri ilə əməkdaşlıq bank üçün vacibdir", - o bildirib.
