Azərbaycan, Bakı, 28 oktyabr /Trend/
Azərbaycan Nəqliyyat Nazirliyinin "Azəryolservis" Səhmdar Cəmiyyəti Cənub nəqliyyat dəhlizinin təkmilləşdirilməsi layihəsinin həyata keçirilməsi çərçivəsində Masallı-Astara avtomobil yolunun yenidən qurulması layihəsi üzrə tenderin tarixini yenidən ertələyib. İşlər Asiya İnkişaf Bankından alınan vəsaitlərin bir qismi hesabına həyata keçiriləcək.
Bundan əvvəl tenderin oktyabrın 8-də başlanması, nəticələrin isə noyabrın 3-də açıqlanması nəzərdə tutulmuşdu. Yeni şərtlərə görə, tender oktyabrın 22-də başlayacaq və noyabrın 10-da başa çatacaq.
Tender Masallı-Astara avtomobil yolunun "B" hissəsinin (uzunluğu 22,85 km olan ikizolaqlı yolun 22,15 - 45 kilometrlikləri, iki müxtəlif səviyyəli yolayrıcıları, 11 körpü, drenaj sisteminin quraşdırılması) və Masallı-Astara avtomobil yolunun "C" hissəsinin (uzunluğu 16,4 km olan ikizolaqlı yolun 45 - 61,4 kilometrlikləri, iki müxtəlif səviyyəli yolayrıcıları, yeddi körpü və drenaj sisteminin quraşdırılması) tikintisini nəzərdə tutur.
Maraqlananlar əlavə məlumatı aşağıdakı ünvanda əldə edə bilərlər: Ü.Hacıbəyov küç, 72/4, tel: (994 12) 493 00 45, faks: (994 12) 493 46 65, еmail: [email protected].
Əlaqələndirici şəxs: Adil Qocayev.
