Azərbaycan, Bakı, 16 dekabr /Trend, müxbir Ü.İsmayılova/
Yanvar-noyabr aylarında Azərbaycanda Life-sığorta üzrə yığımların böyük hissəsini sığorta haqları 151,404 min manat, ödənişləri isə 136,19 min manat məbləğində olmaqla, həyat sığortası üzrə yığımlar təşkil edir. Bu barədə cümə axşamı Dövlət Sığorta Nəzarəti Xidmətinin hesabatında deyilir.
Ölüm hallarından sığortalanma üzrə haqlar 69,92 min manat, ödənişlər isə 28,46 min manat təşkil edib.
Həyat sığortası haqlarının ümumi həcmi 221,32 min manat (haqların ümumi həcminin 0,16 faizi), ödənişləri isə 164,65 min manat (ödənişlərin ümumi həcminin 0,36 faizi) olub.
Non-Life sığortanın əsas hissəsi əmlak sığortasının payına düşür. Bu zaman haqlar 72,506 milyon manat, ödənişlər isə 20,72 milyon manat, vətəndaş məsuliyyətinin sığortası 8,484 milyon manat, ödənişləri 233,45 min manat, kreditlərin sığortası 305,71 min manat, ödənişləri 271,57 min manat və maliyyə risklərinin qarışıq sığortası ödənişsiz 2,65 min manat təşkil edib.
Qeyri-həyat sığortası üzrə haqların ümumi həcmi 81,66 milyon manat (yaxud haqların ümumi həcminin 58,4 faizi), ödənişləri isə 21,23 milyon manat (ödənişlərin ümumi həcminin 46,68 faizi) təşkil edib.
Sığortanın icbari növlərinin strukturunda hərbi qulluqçuların dövlət fərdi sığortası üzrə haqlar 14,03 milyon manat, ödənişlər 6,15 milyon manat səviyyəsində olub, yanğından sığorta üzrə 6,58 milyon manat, ödənişlər 288,54 min manat, məhkəmə və hüquq-mühafizə orqanlarının dövlət fərdi sığortası 4,34 milyon manat, ödənişləri 680 min manat, nəqliyyat vasitələri sahiblərinin vətəndaş məsuliyyəti sığortası 3,507 milyon manat, ödənişləri 605,52 min manat, dövlət qulluqçularının sığortası 129,21 min manat, ödənişləri 14,32 min manat olub.
Bu dövr ərzində sığortanın icbari növləri üzrə haqların ümumi həcmi 29,38 milyon manat (ümumi həcmin 21,01 faizi), ödənişləri 7,76 milyon manat (17,06 faiz) olub.
Bu dövvrdə ölkədə fəaliyyət göstərən bütün 27 sığorta şirkətinin sığorta haqlarının həcmi 139,82 milyon manat, ödənişləri isə 45,48 milyon manat təşkil edib. İl ərzində haqların ümumi həcmi 8,17 faiz (152,27 milyon manat), ödənişləri isə 2,48 faiz (46,64 milyon manat) azalıb.
Dekabrın 16-na olan rəsmi məzənnə 0,7987 AZN/USD təşkil edir.
