Azərbaycan, Bakı, 11 yanvar /Trend, müxbir N.İsmayılova/
2010-cu ilin yekunları üzrə banklararası iri ödənişlər sistemi (AZİPS) vasitəsilə ödəmələrin həcmi 78, 425 milyard manata çatıb ki, bu da 2009-cu ilin müvafiq göstəricisini demək olar, 7,3 dəfə üstələyir, Azərbaycan Mərkəzi Bankından bildiriblər.
Ötən ilin dekabr ayı ərzində AZİPS vasitəsilə ödəmələrin həcmi 87 faiz artaraq 11,29 milyard manat təşkil edib. 2010-cu ilin noyabrında bu sistem vasitəsilə ödəmələrin həcmi 6,033 milyard manat olub.
2010-cu ilin yekunları üzrə kiçik ödənişlərin klirinq ödəmə sistemi (XONKS) vasitəsilə əməliyyatların həcmi 2009-cu illə müqayisədə 9,4 faiz artaraq 6,409 milyon manat təşkil edib. 2010-cu ilin dekabrında bu göstərici 466 milyon manata çatıb.
Ötən ilin noyabr ayı ilə müqayisədə XONKS sistemi üzrə ödəmələrin həcmi 10,6 faiz azalıb.
2010-cu ilin dekabrında AZİPS sistemi vasitəsilə 37 min, XONKS sistemi vasitəsilə isə 989 ödəmə həyata keçirilib. 2010-cu ilin yekunları üzrə cəmi AZIPS vasitəsilə 363, XONKS vasitəsilə 9785 ödəmə həyata keçirilib.
2010-cu ilin dekabrında AZİPS sistemi istifadəçilərinin sayı 50, XONKS ödəmə sistemi istifadəçilərinin sayı isə 53-ə bərabər olub.
AMB-nin xırda (XONKS) və iri (AZIPS) ödəmələr üzrə milli ödənişlər sistemi 2005-2007-ci illərdə milli ödəniş sistemlərinin inkişafı üzrə Dövlət Proqramı çərçivəsində yaradılıb. XONKS bazasında kommunal ödənişlər üzrə mərkəz yaradılıb ki, bu mərkəz "on-line" rejimində vəsait köçürmək və hesabat əldə etməyə imkan verir. Bunun da nəticəsində ayrı-ayrı banklar tərəfindən sui-istifadə halları aradan qaldırılır.
Yanvarın 11-nə rəsmi məzənnə 0,7976 AZN/USD təşkil edir.
