...

Azərbaycanda vergi hesabatının elektron şəkildə verilmə göstəricisi ortaavropa səviyyəsini aşıb

Biznes və iqtisadiyyat xəbərləri Materials 25 Yanvar 2011 17:31 (UTC +04:00)

Azərbaycan, Bakı, 25 yanvar /Trend,müxbir N.İsmayılova/

Azərbaycanda vergi ödəyicilərinin ümumilikdə 82 faizi hesabatı elektron şəkildə verir ki, bu da 40 və 50 faiz arasında dəyişən ortaavropa göstəricisindən çoxdur. Bu barədə çərşənbə axşamı 2010-cu ilin yekunları və 2011-ci ilin planlarına həsr olunmuş mətbuat konfransında ölkənin vergilər nazirinin müavini Natiq Əmirov deyib.

"Elektron hökumət" layihəsi çərçivəsində elektron hesab-fakturalar və onlayn-idarələrin tətbiqi prosesinə başlanılıb.Bu günə vergi ödəyicilərinin böyük hissəsi bəyannamələri elektron şəkildə təqdim edir",- Əmirov deyib.

Onun sözlərinə görə, ƏDV ödəyiciləri arasında bu göstərici 93 faiz təşkil edir.

"2010-cu ildən bəri elektron hesabların tətbiqindən sonra ƏDV-dən dövlət büdcəsinə gələn gəlirlər artıb.Əgər onun tətbiqinə qədər nazirliyin xətti üzrə dövlət büdcəsinə ƏDV gəlirlərindən 300-350 milyon manat daxil olurdusa, 2010-cu ildə ayrılmış məbləğ 1,271 milyard manat səviyyəsində olub", - nazir müavini deyib.

Ölkənin bütün ərazisini əhatə etmək ,həmçinin İnternet şəbəkəsinin kifayət qədər inkişaf etmədiyi rayonlarda İnternetə çıxışı təmin etmək məqsədilə 17 terminal istifadəyə verilib.2011-ci ildə daha 10 belə terminalın inşası başa çatacaq və bu iş gələcəkdə də davam etdiriləcək.

Həmçinin, Əmirovun sözlərinə görə, 2010-cu ildə GPRS vasitəsilə kassa aparatlarının yaddaşından məlumatların vergi orqanlarına ötürülməsi prosesi başlanılıb.

Yanvarın 25-nə olan rəsmi məzənnə 0,7974 AZN/USD təşkil edir.

Xəbər lenti

Xəbər lenti