...

AYİB yaxın perspektivdə Azərbaycan iqtisadiyyatının artım dinamikasının saxlanacağını proqnozlaşdırır

Biznes və iqtisadiyyat xəbərləri Materials 2 Mart 2011 19:37 (UTC +04:00)

Azərbaycan, Bakı, 2 mart /Trend, müxbir N.İsmayılova/

Avropa Yenidənqurma və İnkişaf Bankı (AYİB) 2011-ci ildə Azərbaycanın qeyri-neft sektorunun artımını 12-14 faiz səviyyəsində proqnozlaşdırır. Bu barədə çərşənbə günü bankın Bakı nümayəndəliyinin rəhbəri Frensis Deley bildirib.

"Yaxın perspektivdə biz Azərbaycan iqtisadiyyatının, o cümlədən qeyri-neft sektorunun artım dinamikasının saxlanacağını gözləyirik", - Deley deyib.

Onun sözlərinə görə, ölkənin bank sektoru kapitallaşdırma və birləşmə prosesinin gücləndirilməsini davam etdirməlidir. Onun fikrincə, bank olmayan kredit təşkilatları sektorunun da inkişafını davam etdirmək lazımdır.

"Azərbaycan Mərkəzi Bankı bank sektorunun sabitliyinin təmininə hədəflənib, - o bildirib. - Biz Azərbaycan Beynəlxalq Bankının özəlləşdirilməsi ilə bağlı qərarı da dəstəkləyirik, çünki bu, bank sektorunda rəqabət qabiliyyətini artırmağa imkan verəcək".

Onun sözlərinə görə, manatın məzənnəsinin sabit saxlanılması iqtisadiyyatın stabil inkişafının təmini üçün də əhəmiyyət kəsb edir.

Bankın ölkə üzrə indiki portfeli 1 milyard dollara yaxındır. Bunun 46 faizi enerji sektorunun payına düşür.

Xəbər lenti

Xəbər lenti