Azərbaycan, Bakı, 9 mart /Trend, müxbir N.İsmayılova/
Rusiyanın "Evrakor" Qapalı Səhmdar Cəmiyyəti Azərbaycanda tikinti sahəsində tərəfdaş axtarır. Trend-in məlumatına görə, bu barədə çərşənbə günü Azərbaycan İxracın və İnvestisiyaların Təşviqi Fondundan (AZPROMO) bildirilib.
Məlumata görə, şirkət ölkədə tikinti sahəsində, əsasən neft-qaz sektorunda tərəfdaş axtarır. Şirkət tikinti-təmir işləri üzrə potensial podratçı olmağa hazırdır. Maraqlanan şəxslər daha ətraflı məlumat almaq üçün (+994 12) 598 -01- 47/48 nömrəli telefon və ya [email protected] elektron poçtu vasitəsilə AZPROMO ilə əlaqə saxlaya bilərlər.
"Evrakor" QSC tikinti-quraşdırma tresti "KSTQ" QSC injinirinq şirkəti və "Avrasiya boru kəmərləri konsorsiumu" tikinti obyektlərinin komplektləşdirilməsi üzrə şirkətlə birgə "Krasnodarstroytransqaz" şirkətlər qrupuna (ŞQ) daxildir.
"Krasnodarstroytransqaz" ŞQ istehsalat, mülki və neft-qaz tikintisi sahəsində aparıcı Rusiya birliklərindən biridir. Bazarda 1998-ci ildən fəaliyyət göstərir.
Fəaliyyətinin əsas istiqamətləri tikilən obyektlərin layihələndirilməsi, tikintisi və maddi-texniki təchizatıdır.