Azərbaycan, Bakı, 16 may /Trend, müxbir A.Axundov/
Yanvar-aprel ayları ərzində Azərbaycanda tikinti işlərinin həcmi 2010-cu ilin analoji dövrü ilə müqayisədə 20,1 faiz artıb. Bu barədə bazar ertəsi Azərbaycan Dövlət Statistika Komitəsindən Trend-ə verilən məlumatda deyilir.
Dövlət və özəl şirkətlər tərəfindən həyata keçirilən tikinti işlərinin həcmi ümumi işin müvafiq olaraq 31,8 və 38,2 faizini təşkil edib.
Tikinti işlərinin ümumi həcminin 74,9 faizi ilkin tikinti, yenidənqurma və genişləndirmə, 15,4 faizi əsaslı təmir, 3,3 faizi cari təmir, 6,4 faizi isə digər tikinti işlərinin payına düşür.
2011-ci ilin birinci rübündə tikinti sektorunda işləyən 67 min nəfərin orta aylıq nominal əməkhaqqısı 511,8 manat təşkil edib. Bu, 2010-cu ildəkindən 3,2 faiz çoxdur. Bu zaman dövlət şirkətlərində çalışanların əməkhaqqısı 365,5 manat (il ərzində 6,1 faizlik artımla), özəl şirkətlərdə isə 635,4 manat (2,9 faizlik artımla) təşkil edib.
Böyük və orta tikinti şirkətlərində əməkhaqqının nominal səviyyəsi 540,3 manat təşkil edib. İl ərzində yaşayış binalarının tikintisi sahəsində əməkhaqqı ötən ilin analoji dövrünə nisbətdə 2,6 faiz artaraq 545,8 manata, mülki təyinatlı tikinti işləri üzrə 13,3 faiz artaraq 338,4 manata, xüsusiləşdirilmiş tikinti işləri üzrə bir faiz azalaraq 584,5 manat olub.
Mayın 16-na olan rəsmi məzənnə 0,7907 AZN/USD təşkil edir.
