Azərbaycan, Bakı, 21 may /Trend, müxbir A.Axundov/
Apreldə Bakının təkrar mənzil bazarında orta qiymətlər 0,7 faiz ucuzlaşaraq bir kvadratmetri 1000 dollara düşüb. Bu göstərici mart ayında 1007 dollar olub. Bu barədə Trend-ə "Əmlak Bazarı İştirakçıları" İctimai Birliyindən məlumat verilib.
Bazarda baş verən proseslər mənzil tikintisi templərinə mənfi təsir göstərib ki, bu da yeni tikililərin reabilitasiyası və onların dövriyyəyə verilməsi üçün imkanların məhdudlaşmasına gətirib çıxarıb.
"Bu isə öz növbəsində təkrar bazara daxil olan yeni tikililərin qiymətinin azalmasına səbəb olub. Apreldə təkrar mənzil bazarında təklif mart ayı ilə müqayisədə 1,1 faiz azalıb", - məlumatda deyilir.
"Ay ərzində qiymət artımı yalnız Bakının Qaradağ rayonunda müşahidə edilib", - məlumatda deyilir.
Bazarda orta qiymətdən aşağı təklif olunan təkrar mənzilin payı 57,6 faiz təşkil edib. Apreldə təkrar mənzil bazarında təklif olunan orta mənzil göstəricisi 2,64, hər mənzilin orta qiyməti 43 513 dollar, mənzillər isə 111 314 dollar təşkil edib.
Təkrar bazarda qiymətlərin indeksi 1,3 bənd azalaraq 183,7 bənd təşkil edib.
Təkliflərin həcmi 0,4 faiz artıb və nəticədə bazarda təklif olunan mənzillərin sayı 6121 olub.
Təkrar mənzil bazarında alqı-satqı üzrə sövdələşmələrin bağlanması dinamikasında 0,4 faizlik artım müşahidə olunub.
Bakının təkrar mənzil bazarında aktivlik əmsalına görə ən cəlbedici rayonlar Xətai və Yasamal rayonları olub. Ümumilkdə bu iki rayonun payına ipoteka prosesində əməliyyatların əsas hissəsi düşür.
Yasamal, Nəsimi, Nərimanov və Xətai rayonlarının bazarda təkliflər portfelində payı 79,4 faiz təşkil edib. Bu rayonların hesabına uzun müddət ərzində portfelin formalaşdırılması bazara bu rayonlarda yeni tikililərin istifadəyə verilməsi ilə əlaqədardır.
