Azərbaycan, Bakı, 26 may /Trend, müxbir A.Axundov/
2011-ci ildə Azərbaycanın sığorta şirkəti "Bakı Sığorta" nizamnamə kapitalını 5,65 milyon manata çatdıracaq. Bu barədə Trend-ə cümə axşamı şirkətin idarə heyətinin sədr müavini Mehman Əliyev deyib.
"Kapitalın 2010-cu ildəki fəaliyyətin nəticəsində əldə edilən gəlir hesabına artırılması gözlənilir", - Əliyev bildirib.
İndi şirkətin nizamnamə kapitalı 4,377 milyon manata bərabərdir. 2010-cu ilin yekunları üzrə "Bakı Sığorta"nın xalis gəliri 1,272 milyon manat təşkil edib.
Bakı Sığorta" ASC 28 avqust 2007-ci ildən Azərbaycanın sığorta bazarında fəaliyyət göstərir. Nəzarət paketi "Bank Respublika" ASC-yə məxsusdur. "Bakı Sığorta" bank tərəfindən nəzarət paketinin (səhmlərin 50 faizindən çoxu) "Tural Sığorta" şirkətindən alınması yolu ilə yaradılıb. Yenilənmiş şirkətin səhmlərinin yerdə qalan hissəsi digər fiziki şəxslər arasında bölüşdürülüb.
Şirkətin 24 növ sığorta xidmətinin göstərilməsinə lisenziyası var. Onların dördü icbaridir. Onların arasında ənənəvi əmlak sığortası, fərdi sığorta, məsuliyyət sığortası, kosmik, energetika risklərinin, ətraf mühitin çirkləndirilməsi sığortası və s. var.
Mayın 26-na rəsmi məzənnə 0,7896 AZN/USD təşkil edir.
