Azərbaycan, Bakı, 9 avqust /Trend, müxbir N.İsmayılova/
2011-ci ilin birinci yarısında Azərbaycan Mərkəzi Bankının (AMB) pul siyasəti alətlərinin "neytral" istiqamətdə tətbiqi haqqında qərarı ölkədə qiymətlərin stabil saxlanılmasına yönəldilib. Bu barədə AMB-nın pul siyasəti üzrə hesabatında deyilir.
"İlin birinci yarısında dünya bazarlarında ərzaq mallarının qiymətlərinin artımı gözlənildiyinə görə, ölkənin valyuta gəlirlərinin artması, dövlət tələbatının, pul kütləsinin və qeyri-neft sektorunun artması fonunda inflyasiya faktorları üzərində nəzarətin gücləndirilməsi və onların preventiv rejimdə tənzimlənməsi məsələləri yenidən aktuallaşıb", - hesabatda deyilir.
İlin birinci yarısı ərzində AMB strelizasiya üzrə əməliyyatların aktivləşdirilməsi çərçivəsində 772 milyon manat ümumi həcmdə not buraxıb.
Bunlarda hərraclar vasitəsilə 504 milyon manat yerləşdirilib. Son hərarclarda notların orta gəlirliyi 2,5 faiz təşkil edib, halbuki ilin əvvəlinə bu göstərici 2,2 faiz olub.
İyulun 1-nə olan məlumata görə, dövriyyədə olan notların həcmi 66,1 milyon manat təşkil edib.
Avqustun 9-na olan rəsmi məzənnə 0,7866 AZN/USD təşkil edir.
