Azərbaycan, Bakı, 28 sentyabr /Trend, müxbir E.İsmayılov/
Proqnozlara əsasən, bu il Azərbaycanda 690 kilometr avtomobil yolu bərpa və təmir olunacaq. Trend-in məlumatına görə, bu barədə Azərbaycan Nəqliyyat Nazirliyinin "Müstəqil Azərbaycan 20 ildə" milli sərgisində rəsmi stendində yerləşdirdiyi icmal cədvəlində deyilir.
Sərgi sentyabrın 27-29-da "Baku Expo Center" sərgi mərkəzində keçirilir.
Təmir olunacaq yolların ümumi uzunluğunun 237 kilometri respublika əhəmiyyətli, qalan 453 kilometri isə yerli əhəmiyyətli yollardır.
Cədvəlin göstəricilərinə görə, 2008-ci ildə bu göstərici 655,2 kilometr təşkil edib ki, bunun 229,6 kilometri respublika, 425,6 kilometri isə yerli əhəmiyyətli yol olub.
2011-ci ildə Azərbaycanda olan avtomobil yollarının ümumi uzunluğunun 24,4 faizi respublika, qalanları isə yerli əhəmiyyətli yolların payına düşür.