Azərbaycan, Bakı, 13 mart /Trend, müxbir A.Axundov/
Almaniyanın İnkişaf Bankı KfW Azərbaycanda fəaliyyətə başladığı dövrdən 2012-ci il yanvarın 1-dək ümumi dəyəri 138,7 milyon avro (179,6 milyon dollar) olan maliyyələşdirmə haqqında 10 saziş imzalayıb.
Trend-in məlumatına görə, bu barədə "Nazirlər Kabinetinin 2011-ci ildə fəaliyyəti haqqında hesabat"da deyilir.
71,4 milyon avro həcmində 8 layihənin icrası artıq başa çatıb, iki layihənin reallaşdırılması davam edir.
2012-ci il yanvarın 1-dək ayrılan kreditlərin ümumi həcmindən 78,3 milyon avro (101,4 milyon dollar) və ya 56,5 faizi xərclənib.
Cari ilin yanvar ayının 1-nə olan məlumata görə, KfW-ə əsas borcdan 12,5 milyon avro (16,2 milyon dollar) qaytarılıb.
Qeyd edək ki, Azərbaycan KfW ilə 1994-cü ildən əməkdaşlıq edir.