Azərbaycan, Bakı, 5 iyun /Trend, müxbir A.Axundov/
Azərbaycanın Dövlət Gömrük Komitəsi (DGK) ilin yekunları üzrə dövlət büdcəsinə ödənişlər proqnozunun artmasını gözləmir. Trend-in məlumatına görə, bu barədə çərşənbə axşamı jurnalistlərə DGK-nın sədri Aydın Əliyev bildirib.
"Dövlət Gömrük Komitəsi üçün ilin sonuna olan proqnoz saxlanılır. Biz beş ayın yekunları üzrə plan göstəricilərini icra etmişik", - Əliyev deyib.
Onun sözlərinə görə, yanvar-may aylarında DGK xətt ilə dövlət büdcəsinə 454 milyon manatdan çox vəsait ödənilib ki, bu da ötən ilin analoji göstəricisini 12,9 milyon manat üstələyir.
Gömrük orqanları üçün 2012-ci il üzrə proqnoz 1,2 milyard manat təşkil edir.