Azərbaycan, Bakı, 10 avqust /Trend, müxbir A.Axundov/
Azərbaycan Mərkəzi Bankı (AMB) 2012-ci ilin I yarısında sterilizasiya əməliyyatları çəçivəsində 940 milyon manat dəyərində not buraxıb. Onlardan 605 milyon manat dəyərində not hərraca çıxarılıb və yerləşdirilib. Trend-in məlumatına görə, bu barədə AMB-nin 2012-ci ilin I yarısının yekunları üzrə pul siyasəti hesabatında deyilir.
"Sonuncu hərracda notlar üzrə gəlirlik 1,38 faiz təşkil edib, halbuki cari ilin əvvəlində bu göstərici 2,84 faiz səviyyəsində olub", - hesabatda bildirilir.
İyulun 1-nə olan məlumata görə, dövriyyədə olan notların həcmi 89,9 milyon manat təşkil edib. Notlar ilə repo-əməliyyatların həcmi bu ilin I yarısında 8,2 faiz azalaraq 37,6 milyon manata çatıb.