Azərbaycan, Bakı, 15 noyabr /Trend/
İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən Bakı şəhəri, Binəqədi rayonu, məhəllə 3067 ünvanında "Uğur-ÇB" istehsalat müəssisəsinə məxsus istehsalat sahəsində aparılan yoxlama zamanı çörəyin müvafiq reseptura və texnoloji təlimat olmadan istehsal edildiyi, habelə çörəyin laborator müayinədən keçirilmədən satıldığı müəyyənləşdirilib.
Nazirliyin mətbnuat xidmətindən Trend-ə verilən məlumata görə, qanun pozuntusuna yol vermiş təsərrüfat subyekti barəsində qanunvericilikdə nəzərdə tutulmuş tədbirlər görüləcək.
Araşdırmalar davam edir.