Azərbaycan, Bakı, 9 yanvar /Trend/
2012-ci ilin 11 ayının yekunları üzrə Azərbaycan banklarının depozit bazası 10,2 faiz, 2011-ci ilin analoji dövrü ilə müqayisədə isə 17,06 faiz artıb. Trend-in məlumatına görə, bu barədə Azərbaycan Mərkəzi Bankının (AMB) statistik hesabatında deyilir.
Dekabrın əvvəlində bank depozitlərinin, hüquqi və fiziki şəxslərin əmanətlərinin ümumi həcmi 2012-ci ilin əvvəlinə olan 9447 milyon manata və 2011-ci il dekabrın əvvəlinə olan 8892,8 milyon manata nisbətdə 10 409,9 milyon manat təşkil edib.
Ümumi həcmin 4731 milyon manatı manatla vəsaitlərin payına düşüb ki, bunun 1835,7 milyon manatını tələb olunanadək depozitlər, 2895,3 milyon manatını isə müddətli depozitlər təşkil edir. Xarici valyutadakı vəsaitlərin payına 5678,9 milyon manat (müvafiq olaraq 1792,1 milyon manat və 3886,8 milyon manat) düşüb.
Yanvar-noyabr ayları ərzində fiziki şəxslərin əmanətləri 15,6 faiz, hüquqi şəxslərin depozitlərinin həcmi isə 6 faiz artıb. 2011-ci ilin analoji dövrü ilə müqayisədə fərdi müştərilərin depozitləri 24,36 faiz, korporativ müştərilərin depozitləri isə 11,54 faiz artıb.
Dekabrın əvvəlinə fiziki şəxslərin ölkənin banklarındakı əmanətlərinin həcmi 2012-ci ilin əvvəlindəki 4119,8 milyon manata və 2011-ci il dekabrın 1-nə olan 3830,1 milyon manata nisbətdə 4763 milyon manat təşkil edib. Mərkəzi Bankın məlumatına görə, əhali tərəfindən 2804,6 milyon manat (58,9 faiz) milli valyutada, 1958,4 milyon manat isə SDV-də yerləşdirilib.
Dekabrın əvvəlinə maliyyə təşkilatlarının depozitlərinin həcmi 2752,3 milyon manat təşkil edib. Bu rəqəm 2012-ci ilin əvvəlində 2519,5 milyon manat, 2011-ci il dekabrın 1-də isə 2459,7 milyon manat təşkil edib.
Dekabrın əvvəlinə qeyri-maliyyə təşkilatlarının depozitlərinin həcmi 2894,6 milyon manat təşkil edib. Bu rəqəm 2012-ci ilin əvvəlində 2807,6 milyon manat, 2011-ci il dekabrın 1-də isə 2603 milyon manat təşkil edib.
Hüquqi şəxslərin depozitlərinin həcmi 5646,9 milyon manat təşkil edib. Bu göstərici 2012-ci ilin əvvəlində 5327,1 milyon manat, 2011-ci il dekabrın 1-də isə 5062,7 milyon manat olub.
Azərbaycanda 43 bank fəaliyyyət göstərir.
