Azərbaycan, Bakı, 19 mart /Trend/
Novruz bayramı ilə əlaqədar 20-21 mart tarixlərində "Bank of Baku"da qeyri-iş günləridir.
Bankdan çərşənbə axşamı Trend-ə verilən məlumata görə, lakin 22, 23, 25 və 26 mart tarixlərində bankın paytaxtdakı Baş İdarəsi, "Mərkəz", "Otoplaza", "Neftçilər", "Əhmədli" və "Babək" filialları işini bərpa edəcək və 09:00-dan 17:00-dək müştərilər üçün açıq olacaq. Eyni zamanda, 25-26 mart tarixlərində "Azneft" və "Nəsimi" filialları müştərilərə bütün növ xidmət göstərəcək.
Öz növbəsində, bankın regionlardakı filiallarından Sumqayıt, Şəki və Gəncə filialları 22, 23, 25 və 26 mart tarixlərində saat 09:00-dan 13:00-dək bütün növ xidmətlər göstərəcək.
Bankın digər filiallarında 20-26 mart 2013-cü il tarixlərində qeyri-iş günləridir.