Azərbaycan, Bakı, 22 avqust /Trend, müxbir E.İsmayılov/
Bu ilin sonu və ya 2014-cü ilin əvvəlində "Azərbaycan Hava Yolları" (AZAL) QSC digər "Embraer" tipli iki təyyarəni əldə edəcək. Bu barədə Trend-ə açıqlamasında "Azərbaycan Hava Yolları" QSC-nin mətbuat xidməti Məhərrəm Səfərli bildirib.
Səfərli vurğulayıb: "Biz iki təyyarə əldə edəcəyik ki, onlardan biri "Embraer-190" markalı, digəri isə "Embraer-170" markalı təyyarələrdir".
Onun sözlərinə görə, QSC artıq üç ədəd "Embraer-190" markalı və bir ədəd "Embraer-170" markalı təyyarə əldə edib.
QSC tərəfindən "Boeing-787 Dreamliner" markalı təyyarələrin əldə olunması ilə bağlı suala cavab verən Səfərli bildirib ki, bu, 2014-cü ildə baş verəcək: ""Boeing-787 Dreamliner" markalı təyyarələrin alınması 2014-cü ildə baş tutacaq, lakin hələlik dəqiqi tarix yoxdur".