Azərbaycan, Bakı, 23 avqust /Trend, müxbir E.Əliyev/
"Ödəmə xidmətləri haqqında" qanunun qəbul olunması Azərbaycanda electron pullar bazarının inkişafına təkan verəcək. Bu barədə cümə günü Trend-ə açıqlamasında "Millikart Group" prosessinq mərkəzinin icraçı direktoru Cəlal Orucov bildirib.
"Ödəmə xidmətləri haqqında" qanuna əsasən Azərbaycan bankları, o cümlədən xarici bankların yerli filialları elektron pullar buraxa biləcək. Bu hüquqa, o cümlədən poçt-maliyyə xidmətlərini göstərməyə lisenziyası olan hüquqi şəxslər, elektron pullar sahəsində yerli təşkilatlar, habelə elektron xidmətlər sahəsində fəaliyyət göstərən xarici şirkətlərin yerli filialları da malik olacaq".
Lakin bununla yanaşı Mərkəzi Bank ödəmə təşkilatının sabit fəaliyyəti üçün onun elektron pullarının emissiyasının həcminə məhdudiyyətlər qoymaq hüququnu özündə saxlayır.
Orucov bildirib: "Nəzərə alsaq ki, hələ bazarda yeni tələblərə dərhal cavab verəcək operatorların olmaması ilə bağlı ola bilər ki, ilkin mərhələdə qanunda öz əksini tapacağı güman edilən tələblərin yumşaldılmasının mənası var".
Orucovun sözlərinə görə, bazar iştirakçılarına bunun üçün müəyyən vaxt lazım olacaq: "Ümid edək ki, bu qanunun təsdiqindən sonra Mərkəzi Bank elektron pullar operatorlarına öz fəaliyyətlərini qanunun tələblərinə uyğunlaşdırmaları üçün müəyyən vaxt verəcək. Bu gün ola bilər ki, artıq adi kart sahibləri üçün məlum olmayan elə öz bizneslərini quran operatorlar var ki, onlar öz bizneslərini bu qanuna uyğunlaşdırmalıdırlar".
Orucovun fikrincə, belə bir qanunun qəbulu bu sahədə idarə olunmasındakı boşluğu dolduracaq: "Operatorların əksəriyyəti qanunvericilikdə faktiki olaraq ciddi boşluqların olması üzündən yeni xidmətlər tətbiq etməkdən qorxurdular. Şirkətlərə məlum deyildi ki, yeni məhsul qanunla müəyyən edilmiş bu və ya digər çərçivələrə uyğun olacaq. Men hesab edirəm ki, bu qanunun qəbulundan sonra bazarda xeyli sayda maraqlı və müasir məhsullar meydana gələcək".