Azərbaycan, Bakı, 25 oktyabr /Trend, müxbir E. Əliyev/
Cari ilin yanvar-sentyabr aylarında Gürcüstandan Azərbaycana 34,84 milyon dəyərində 13,7 min ton diri çəkiyə malik iribuynuzlu mal-qara idxal edilib. Trend-in məlumatına görə, bu barədə Gürcüstan Milli Statistika İdarəsinin saytında dərc olunan məqalədə bildirilir.
Hesabatda qeyd edilir ki, ilin birinci yarısında bu sahənin xüsusi çəkisi Gürcüstandan Azərbaycana edilən ümumi ixracın həcminin 6,59 faizini təşkil edib.
Ötən ilin analoji dövrü ilə müqayisədə Gürcüstandan idxal olunan iribuynuzlu mal-qaranın idxalı 18,95 faiz, say etibarı ilə isə 52,19 faiz və ya 4,7 min ton artıb. Müqayisə üçün: 2012-ci ilin yanvar-sentyabr aylarında Gürcüstandan Azərbaycana 29,29 milyon dollar həcmində diri çəkisi 9,01 min ton olan iribuynuzlu mal-qara idxal edilib.