Azərbaycan, Bakı, 23 yanvar /Trend, müxbir A.Axundov/
2013-cü ildə İcbari Sığorta Bürosunun (İSB) pul vəsaitləri 28,72 faiz artıb. Bu barədə Trend-ə Bürodan bildiriblər.
2013-cü ilin əvvəlində yerli bankların depozit hesablarında 9,4 milyon manat olduğu halda, 2014-cü il yanvarın 1-nə bu vəsaitlərin həcmi 12,1 milyon manata çatıb.
Ötən il ərzində təqvim ödənişləri qismində İSB-yə 4,12 milyon manat daxil olub.
12 şirkət İSB-nin üzvdür: "Paşa Sığorta", "Atəşgah" sığorta şirkəti, "Standard Insurance" sığorta şirkəti, "AtaSığorta", "Xalq Sığorta", "AXA MBASK" sığorta şirkəti, "Azsığorta", "Alfa Sığorta", "Azərsığorta" Dövlət Sığorta Kommersiya Şirkəti, "Meqa Sığorta", "İpək Yolu Sığorta" və "Azərbaycan Sənaye Sığorta".