...

"Paşa Bank"ın aktivləri ötən il təqribən 900 milyon dollara çatıb

Biznes və iqtisadiyyat xəbərləri Materials 7 May 2014 19:20 (UTC +04:00)

Trend-i buradan izləyin

Azərbaycan, Bakı, 7 may /Trend, müxbir E.Əliyev/

2013-cü ilin nəticələri üzrə "Paşa Bank"ın aktivlərinin məcmu həcmi 704,06 milyon manata çatıb. Trend-in məlumatına görə, bunu çərşənbə günü jurnalistlərə "Paşa Bank"ın baş maliyyə administratoru Şahin Məmmədov bankın ötənilki fəaliyyətinə həsr edilmiş mətbuat konfransında deyib.

Onun sözlərinə görə, bankın kapital göstəricisi üzrə ölkənin ən iri banklarından biri qismində mövqeyini qorumaq mümkün oldu: "2013-cü ilin sonuna olan məlumata əsasən, bu göstərici il ərzində 24 faiz artaraq (2012-ci ilin sonuna kapital 188,35 milyon manat olub) 234,92 milyon manat təşkil edib. Bank artıq cari ildə kapitalını 105 milyon artıraraq 333 milyon manata çatdırıb".

Bankın nümayəndəsi qeyd edib ki, "Paşa Bank"ın xalis gəliri ötən ilin yekunları üzrə 12,03 milyon manat olub: "Onun həcmi il ərzində 25 faizdən çox azalıb ki, bu da verilən borclar portfelində kreditlər üzrə zərərləri qarşılamaq üçün ehtiyatın yaradılmasına əsaslanır. Bankın əsas fəaliyyətindən ümumi gəlirlər 51,58 milyon manatı ötüb ki, bu da 2012-ci ildəkindən 20 faiz çoxdur. Bankın faiz gəliri 54,77 milyon manat, faizsiz gəliri isə 9,17 milyon manat olub. Bununla da bankın gəlirlərinin ümumi həcmində faizli gəlirlərin xüsusi çəkisi 18 faiz təşkil edib".

Məqalədə:
Xəbər lenti

Xəbər lenti