Azərbaycan, Bakı, 23 may /Trend, müxbir Z.Qurbanova/
2014-cü ilin yanvar-aprel aylarında Azərbaycan sığorta şirkətlərinin haqlarının təqribən 24,66 faizi və ya 36,86 milyon manatı əmlakın könüllü sığortası növləri üzrə yığılıb. Bu növlər üzrə ödənişlər 14,8 milyon manat olub ki, bu da bütün kompensasiyaların təqribən 33,47 faizini təşkil edir.
Trend-in məlumatına görə, bu barədə Azərbaycan Maliyyə Nazirliyi yanında Dövlət Sığorta Nəzarəti Xidmətinin hesabatında deyilir.
Əmlakın könüllü sığortası üzrə yığımların strukturunda böyük hissəni avtomobil nəqliyyatı vasitələrinin sığortası üzrə 11,45 milyon manat həcmində sığorta haqları (8,75 milyon manat dəyərində ödəniş olmaqla), yanğın və digər risklərdən əmlakın sığortalanması üzrə 8,74 milyon manat (5,4 milyon manat həcmində ödəniş), hava nəqliyyat vasitələrinin sığortalanması üzrə ödəniş olmamaqla 5,6 milyon manat, yüklərin sığortalanması üzrə isə 4,46 milyon manat sığorta haqları (133,52 milyon manat ödəniş) və s. təşkil edib.
2014-cü ilin yanvar-aprel aylarında mülki məsuliyyətin sığortalanmasının payına 5,51 milyon manat (374,5 milyon manat həcmində ödəniş) düşüb.
Fərdi sığortalanma üzrə sığorta haqları 15,19 milyon manat həcmində ödənişlər olmaqla 41,95 milyon manat təşkil edib. Bununla yanaşı, bədbəxt hadisələr və xəstəliklərdən sığortalanma üzrə yığımlar 3,22 milyon manat (374 min manat həcmində ödəniş), könüllü tibbi sığorta üzrə yığımlar 38,23 milyon manat (14,73 milyon manat məbləğində ödəniş), xaricə gedən vətəndaşların sığortalanması üzrə yığımlar isə 504,32 milyon manat (85,05 min manat həcmində ödəniş) təşkil edib.
Bu dövrdə qeyri-həyat könüllü sığorta üzrə yığımların ümumi həcmi 29,99 milyon manat məbləğində ödənişlər olmaqla (ödənişlərin ümumi həcminin 67,82 faizi) 78,81 milyon manat (mükafatların ümumi həcminin 52,72 faizi) təşkil edib.
Ümumilikdə könüllü sığortanın bütün növləri üzrə haqların xüsusi çəkisi 2014-cü ilin yanvar-aprel aylarında ölkədə sığorta yığımlarının 71,28 faizini, kompensasiyaların payı isə sığortaçıların bütün ödənişlərinin 71,62 faizini təşkil edir.
İl ərzində könüllü sığorta bazarı 16,82 faiz, ödənişlər isə 16,86 faiz artıb.
Ölkədə fəaliyyət göstərən şirkətlərin sığorta haqlarının ümumi həcmi 2014-cü ilin ilk 4 ayı ərzində 149,48 milyon manat (il ərzində 7,76 faiz artım) təşkil edib, hesabat dövründə ödənişlər isə 44,22 milyon manat (15,73 faiz artım) olub.
Hesabatda yeganə təkrar sığorta şirkəti AzRE-nin fəaliyyəti göstərilməyib.