Azərbaycan, Bakı, 2 sentyabr /Trend, müxbir Ənvər Məmmədov/
Qiymətli Kağızlar üzrə Dövlət Komitəsi (QKDK) "AXA MBASK" sığorta şirkətinin adi, sənədsiz, adlı səhmlərinin emissiya prospektini qeydiyyata alıb. Trend-in QKDK-yə istinadən verdiyi məlumata görə, emissiya çərçivəsində hər birinin nominal dəyəri 382 manat olan 7854 səhm buraxılıb.
Emissiyanın yerləşdirilməsi nəticəsində ""AXA MBASK"ın nizamnamə kapitalı 17,23 milyon manata çatacaq. 2015-ci il yanvarın 1-nə olan məlumata görə, bankın məcmu kapitalı 13,08 milyon manat təşkil edir.
Qeyd edək ki, MBASK sığorta şirkəti 1992-ci ildən fəaliyyət göstərir və Azərbaycanən ilk özəl sığorta şirkətlərindən biridir. Dünyanın ən iri sığorta şirkətlərindən biri olan "AXA Group" 2010-cu ildə özünün törəmə şirkəti "AXA Seguros Generales, S.A., De Seguros Y Reaseguros" (İspaniya) vasitəsilə MBASK-ın səhmlərinin nəzarət paketini (51 faiz) əldə edib. Hazırda "AXA Group" "AXA MBASK"in yeganə səhmdarıdır.