Azərbaycan, Bakı, 11 sentyabr /Trend, müxbir Maksim Tsurkov/
1 saylı Bakı İnzibati-İqtisad Məhkəməsinin 10 avqust 2015-ci il tarixli qərərına əsasən, "Evrobank" ASC-nin müflis elan edilməsi və iflas proseduruna başlanılması ilə əlaqədar iflas prosedurunda olan "Evrobank" ASC-nin kredirtorları bankın müflis elan olunmasına dair məhkəməyə qərarının KİV-də ilk dəfə dərc edildiyi gündən, yəni 15 avqust 2015-ci il tarixdən 60 təqvim günü ərzində "Evrobank" ASC-yə qarşı yazılı şəkildə tələblərini irəli sürməlidirlər.
Trend-in "Xalq qəzeti"nə istinadən verdiyi xəbərə görə, bu barədə iflas prosedurunda olan "Evrobank" ASC-nin ləğvedicisi "Azerbaijan İnternational Consulting Company" MMC-nin məlumatında deyilir.
Tələblərin qeydə alınması üçün kreditorlar öz tələblərinin hüquqi əsasını sübut edən sənədləri və aşağıdakı məlumatları təqdim etməlidirlər:
X kreditorun adı və ünvanı;
X tələbin əsas məbləğinə daxil edilən faizlərin və digər haqların məbləğləri;
X tələbin təminatı olan girov (ipoteka) və ya təminat barədə məlumat.
Kreditorların sorğusu üzrə onlara tələblərinin qeydə alındığına dair qəbz verilir. İflas prosesi "Evrobank" ASC-nin fəaliyyət göstərdiyi Bakı şəhəri, Plotnikov küçəsi, 21 saylı ünvanda həyata keçirilir. Kredirtorlar tələblərinin qeydə alınması üçün göstərilən ünvanda ləğvedicinin nümayəndəsinə və ya birbaşa ləğvedici "Azerbaijan İnternational Consulting Company" MMC-nin Bakı şəhəri, M. Rahim küçəsi, 4a saylı ünvanda yerləşən ofisinə müraciət edə bilərlər.
Əlavə məlumat almaq üçün aşağıdakı telefon nömrələri vasitəsilə ləğvedici "Azerbaijan İnternational Consulting Company" MMC-yə (nümayəndə Elçin Mustafayev) müraciət oluna bilər.
Əlaqə nömrələri: (012) 539-47-22; (012) 539-73-17 , Mob: (055) 211-25-57