Azərbaycan, Bakı, 29 oktyabr /Trend/
"Unibank" hüquqi şəxlərə korporativ xərclərin ödənilməsi və idarə edilməsi üçün sadə və rahat vasitə təklif edir. Bankın korporativ kartları - MasterCard Business və VISA Business müştərilərinə ezamiyyət xərclərini (hotel, avtomobil icarəsi, bilet sifarişi və s.), təsərrüfat və nümayəndəlik xərclərini daha rahat və daha təhlükəsiz ödəmək imkanını yaradır.
Bankdan Trend-ə verilən məlumata görə, öz işçilərini xaricə ezamiyyətə göndərən şirkətlər "Unibank"ın korporativ kartlarından istifadə etməklə, xərclərinə daha çox qənaət etmiş olacaqlar. Kartların nağd puldan bir çox üstünlükləri var. Biznes kartlarının hüquqi şəxlərə təqdim etdiyi imkanlar bunlardır:
- nağd vəsaitlərin kassadan əldə olunması xərclərinin azaldılması;
- ezamiyyətlər üçün xarici valyuta alışına zərurətin olmaması;
- mühasibatda uçot proseslərinin optimallaşdırılması;
- ezamiyyətdə olan əməkdaşların hesabına pul köçürülməsi və hər əməkdaş üzrə xərcələrə birbaşa nəzarət imkanı;
- vəsaitlərin oğurlanması və itirilməsi riskinin minimuma endirilməsi.
"Unibank"ın korporativ kartları müəssisənin eyni vaxtda bir neçə əməkdaşına verilə bilər. Lazım olan vaxt kartlara kredit limitinin açılması da mümkündür. İlin əvvəlindən bu yana biznes kart istifadəçilərinin sayı 15% artıb.
Qeyd edək ki, korporativ biznes kartları əməkhaqqı və sosial ödənişlər üçün istifadə edilə bilməz.