Təfərrüatlar əlavə olunub (ilk xəbər saat 11:44-də yayılıb)
Bakı. Ənvər Məmmədov - Trend:
Türkdilli ölkələrin gömrük xidmətləri İpək yolu üzrə yük daşımalarının sürətləndirilməsi və genişləndirilməsi məsələlərini müzakirə edəcəklər.
Trend-in məlumatına görə, bunu jurnalistlərə Dövlət Gömrük Komitəsinin sədri Aydın Əliyev deyib. Onun sözlərinə görə, müzakirələr Türkdilli dövlətlərin əməkdaşlıq şurasının gömrük xidmətlərinin rəhbərlərinin V iclası çərçivəsində iyunun 3-də keçiriləcək.
A.Əliyev qeyd edib ki, bugünkü iclasda ittifaqın iştirakçı ölkələri arasında ilkin məlumat mübadiləsi, Azərbaycan, Türkiyə, Qazaxıstan və Qırğızıstan arasında ilkin məlumat mübadiləsi məsələsi üzrə dördtərəfli protokol müzakirə olunacaq.