...

Beynəlxalq Bankın restrukturizasiya planı məhkəmə tərəfindən təsdiqləndi

Biznes və iqtisadiyyat xəbərləri Materials 17 Avqust 2017 17:36 (UTC +04:00)
Azərbaycan Beynəlxalq Bankının restrukturizasiya planı yerli məhkəmə tərəfindən təsdiqlənib.
Beynəlxalq Bankın restrukturizasiya planı məhkəmə tərəfindən təsdiqləndi

Bakı. Trend:

Bakı şəhər, Nəsimi rayon məhkəməsinin 17 avqust 2017-ci il tarixində keçirilmiş iclasında Azərbaycan Beynəlxalq Bankının müvafiq müraciətinə baxılaraq, bankın xarici kreditorlar qarşısındakı öhdəliklərinin könüllü Restrukturizasiya Planının təsdiqlənməsinə dair qətnamə qəbul edilib.

Bu barədə Trend-ə bankdan məlumat verilib.

Məlum olduğu kimi, 18 iyul 2017-ci il tarixində Azərbaycan Beynəlxalq Bankının Kreditorlarının yığıncağı keçirilib və səsvermənin nəticələrinə əsasən, bankın restrukturizasiya olunan öhdəliklərinin 93.9%-ə malik kreditorlar planın lehinə səs verib, plan “Banklar haqqında” Azərbaycan Respublikası Qanununa uyğun olaraq, Maliyyə Bazarlarına Nəzarət Palatası tərəfindən baxılıb.

Xatırladaq ki, plana səs vermiş kreditorlar öhdəliklərlə bağlı banka qarşı hər hansı tələblərinin qalmaması barədə müvafiq sənədi 22 avqust 2017-ci il tarixinə qədər təqdim etməlidirlər. Həmin sənədi təqdim etmiş kreditorlar təklif edilən maliyyə alətlərini 1 sentyabr 2017-ci il tarixindən əldə etmək hüququna malik olacaqlar.

Məqalədə:
Xəbər lenti

Xəbər lenti