Azərbaycan İqtisadi Əməkdaşlıq və İnkişaf Təşkilatında (OECD) reytinqinin qalxması təşəbbüsü üzrə işlər aparır. İnvestisiyaların genişləndirilməsi və məsləhətləşmələr Fondunun rəhbəri Emil Məcidovun Trend ə verdiyi məlumata görə, hazırda Azərbaycanın bu təşkilatda reytinqi 6-ya bərabərdir ki, bu da reytinqin sonuncu pillələrindən biridir. Müqayisə üçün bildirək ki, belə bir reytinqə sahib olmaqla ölkə Zimbabve, Mozanbik kimi ölkələrlə bir pillədə durur.
E.Məcidovun sözlərinə görə, Azərbaycan 10 ildir ki, bu reytinqə malikdir və heç kim onun yenidən nəzərdən keçirməyə əhəmiyyət verməyib. "Təşkilatın özü də bunu nəzərdən keçirmir, çünki bunun üçün OECD ölkələrinin 3 kredit agentliyinin müvafiq təşəbbüsü lazımdır. Bundan əvvəl heç bir kredit agentliyi belə bir təşəbbüslə çıxış etməyib. Odur ki, belə bir təşəbbüs Azərbaycan tərəfindən də irəli sürülməyib.
Misal üçün qeyd etmək lazımdır ki, 3 üç bundan əvvəl Qazaxıstan öz reytiqini qaldırmaqla ciddi şəkildə məşğul oldu və onun reytinqi 2-2,5 bənd qalxdı. Hazırda biz bu məsələni bir neçə kredit agentliyi ilə, eləcə də AFR, Britaniya, Fransa ilə müzakirə edirik.
Müvafiq danışıqların aparılması üçün biz öz xarici səfərlərimizdən də istifadə edirik. Azərbaycanın reytinqinə artıq gələn ilin yanvarında nəzərdən keçiriləcəyini planlaşdırmaq olar", - deyə o qeyd edib.
