Finlandiyalı sahibkarlar Azərbaycana gəlməyi planlaşdırırlar. İnvestisiyaların Təşviqi və Məsləhətləşmələr Fondunun rəhbəri Emil Məcidovun Trend ə bildirdiyinə görə, səfər sentyabrın 29-30-na planlaşdırılıb.
"Bakıya təqribən 10-12 biznesmen gələcək. Onlarla mühəndislik işi, telekommunikasiya və s. sahələrdə əməkdaşlığın perspektivləri müzakirə olunacaq", - deyə E.Məcidov bildirib.
2005-ci ilin yanvar-may aylarında Azərbaycan və Finlandiya arasında mal dövriyyəsi $2552,9 min, idxal $2548,4 min, ixrac isə $4,5 min ton təşkil edib. Mənfi saldo isə $2543,9 minə bərabər olub.