Avropa Yenidənqurma və İnkişaf bankı Azərbaycanın səhmdar-investisiya bankı olan Azəriqazbanka kredit xətlərinin həcmini artıracaq. Bankın idarə heyətinin sədri Azər Mövsümovun Trend ə bildirdiyi kimi, AYİB həm ticarətin maliyyələşdirilməsi, həm də kiçik və orta sahibkarlığın inkişafına kredit xətti çərçivəsində maliyyələşdirmənin artırılmasına dair qərar qəbul edib.
"Biz bu sazişi sentyabrda imzalamağı planlaşdırırıq. AYİB ticarətin maliyyələşdirilməsinə kredit xəttinin həcmini $1 mln, kiçik və orta sahibkarlığın inkişafı üzrə layihələrə ayrılacaq maliyyə vəsaitinin həcmini isə $1,5 mln artıracaq.
Beləliklə, ticarətin maliyyələşdirilməsinə $2 mln, kiçik və orta sahibkarlığın inkişafına isə $3,5 mln kredit ayrıldığı halda, maliyyə vəsaitlərinin ümumi həcmi $5,5 mln olacaq", - deyə A.Mövsümov qeyd edib.
