Azərbaycanın Hesablama Palatası (HP) və Maliyyə Nazirliyi bundan sonra Azerenerji SC-də yoxlamaların aparılmaması və bu səhmdar cəmiyyətdə birgə işlərin keçirilməsinin dayandırılması barədə qərar qəbul edib. HP-dan Trend ə verilən məlumata görə, faktiki yoxlamalar başa çatdırılıb və hazırda müvafiq aktın tərtib olunması üzrə işlər aparılır.
Bundan sonra kollegiyada müzakirə olunacaq hesabatın tərtib edilməsi planlaşdırılır. SC-də yoxlamaların sentyabrda başa çatması onun keçirilməsi müddətinin bir neçə dəfə uzadılması ilə əlaqədardır. Mənbənin qeyd etdiyinə görə, müddətin uzadılması bu məsələ üzrə işin böyük həcmindən irəli gəlir.
Qeyd edək ki, auditorlar Azerenerji SC-də "Yenikənd Su Elektrik Stansiyasının tikintisi" layihəsinin reallaşdırılması üçün ayrılmış vəsaitlərdən istifadə edilməsinin məqsədəuyğunluğunu yoxlayırdılar. Yoxlamalar aprelin 19-da başlayıb. Əvvəlcə, onun 1 ay müddətinə davam edəcəyi planlaşdırılsa da, sonra SC-də yoxlamaların müddəti 4 dəfə uzadılıb.
