Dekabrın 2-də AR Dövlət Gömrük Komitəsi (DGK) sədrinin birinci müavini Aydın Əliyevin başçılıq etdiyi nümayəndə heyəti ABŞ-a işgüzar səfərə gedəcək. DGK-də Trend ə bildirilib ki, səfər dekabrın 3-dən 16-dək davam edəcək.
Nümayəndə heyətinin səfəri ABŞ gömrük və sərhəd təhlükəsizliyi İdarəsi, ABŞ beynəlxalq əlaqələr İdarəsi, İxraca nəzarət Əməkdaşlığının dəvətilə həyata keçirilir.
Komitədə həm də qeyd olunub ki, səfərin məqsədi Sərhəd və Gömrük Təhlükəsizliyi üzrə qanun nəzarəti strategiyası ilə tanış olmaq, ABŞ mütəxəssisləri ilə təcrübə mübadiləsi aparmaq, eləcə də həmin sahədə əməkdaşlığın genişləndirilməsidir. Səfər çərçivəsində ABŞ gömrük və sərhəd təhlükəsizliyi İdarəsinin rəhbər şəxsləri, federal qanunların nəzarəti üzrə tədris mərkəzi və həmin istiqamətdə digər strukturlarda bir sıra görüşlərin keçirilməsi planlaşdırılır.
"DGK-nin nümayəndələri həm də Mayamidə dəniz və hava limanlarında həyata keçirilən işlərlə tanış olacaq" -deyə DGK-də qeyd olunub.
