Beynəlxalq maliyyə korporasiyası (BMK) və cəlb olunmuş donorlar Azərbaycana və Mərkəzi Asiyanın 4 dövlətinə (Türkmənistan istisna edilməklə) yönəldilmiş Primary Mortgage Market Development Project (PMMDP) texniki yardım layihəsini təsdiq etməyə hazırdır. BMK-nın Azərbaycandakı nümayəndəsi Aliyə Nuriyeva Trend ə bildirib ki, korporasiyanın direktorlar şurası və donorlar artıq yanvarda PMMDP layihəsini təsdiq edə bilər.
"Layihənin təsdiq olunması ilə büdcə və layihənin həyata keçirilməsi müddəti müəyyən ediləcək. Layihənin həmin sektorda korporasiyanın investisiyaları üçün şərait yaradılmasına yönəldilməsinə baxmayaraq bu mərhələdə BMK-nın investisiyaları barədə hələləik söhbət getmir" -deyə A.Nuriyeva bildirib.
Gözlənildiyi kimi, texniki layihəni İsveçrənin xarici əlaqələr üzrə Dövlət katibliyi (SECO) maliyyələşdirəcək. Layihənin ikinci (texniki) fazası 2-3 ilə nəzərdə tutula bilər. Başa çatdırılmış birinci (qiymətləndirmə) faza çərçivəsində ipoteka sahəsində Milli bank ilə Azərbaycanın ipoteka fondunu formalaşdıran bankların, sığorta şirkətlərinin fəaliyyəti öyrənilib.
AMB fondun əməliyyat qaydalarının və ipoteka krediti inkişaf proqramının işlənib-hazırlanmasının başa çatdığını bəyan edib. Bununla belə, bunlar hökumət tərəfindən hələ də təsdiq edilməyib.
