Bu gün Sumqayıtda 8 mindən artıq şirkət fəaliyyət göstərir. Trend in məlumatına görə, bu barədə bugünki biznes-inkubator milli forumunda Sumqayıtın İcra Hakimiyyəti başçısının müavini Akif Zeynalov bildirib. Onun sözlərinə görə, il ərzində 200-300 hüquqi şəxs qeydiyyatdan keçib.
A.Zeynalov hesab edir ki, respublikada ikinci sənaye şəhəri olan Sumqayıt böyük potensiala malikdir və bu məsələ daima şəhər rəhbərliyinin qarşısında durur. Son vaxtlar 15 min iş yeri açılıb. Şəhərdə istehsal üçün böyük imkanlar var. Bu arada sahibkarların dəstəyi də tələb olunur.
A.Zeynalovun fikrincə, buna bankların filiallarının açılması da kömək edir. Son iki ildə 10 bank tərəfindən filialların yaradılması müşahidə olunub.
İqtisadi İnkişaf Nazirliyi aparatının rəhbəri Samir Vəliyev hesab edir ki, biznes-inkubatorun yaradılması regionların sosial-ziqtisadi inkişafı Dövlət proqramının əsas məqsədi olan sahibkarlığın inkişafına, iş yerlərinin açılmasına, yoxsulluğun azaldılmasına, sahibkarlığın inkişafına kömək edir.
Bu zaman o, bir sıra mikroiqtisadi göstəricilər göstərib: 11 ay ərzində ÜDM 25% artaraq sənayedə - 33%, kənd təsərrüfatında 7%, investisiya qoymada12% təşkil edib. O qeyd edib ki, 2005-ci ilin yekunları üzrə ÜDM-un qeyri-neft sektorunda payı 76-77% təşkil edib.
Onun sözlərinə görə, Nazirlik regionların sosial-iqtisadi inkişafına təsir göstərəcək biznes-inkubatorun yaradılması ideyasını dəstəkləyir.
