Rusiya hökuməti Azərbaycanda ticarət nümayəndəliyi açmağı planlaşdırır və bu məsələnin müzakirəsi üçün yanvarın sonunda nümayəndələrin Bakıya gələcəyi gözlənilir. Bu barədə Trend ə Nazirlər Kabinetində bildirilib. Bu planların gerçəkləşdirilməsi hələ 1993-cü ildə imzalanmış "Azərbaycan və Rusiya arasında ticarət əməkdaşlığının prinsipləri haqqında" hökumətlərarası saziş protokoluna əsasən həyata keçirilir.
Ticarət nümayəndəliyinin vəzifəsinə RF-nin bu dövlətdə xarici iqtisadi siyasətinin aparılması daxildir. Son bəyanatlarla bağlı Rusiya dünyanın 52 ölkəsində ticarət nümayəndəliklərini bağlayır və MDB-nin səkkiz ölkəsində yeni belə nümayəndəlik açır. Baltik ölkələrindən yalnız Litvada RF-nin nümayəndəliyi saxlanılır. Latviya və Estoniyada bu nümayəndəliklər bağlanılacaq. Azərbaycan, Ermənistan, Gürcüstan, Qırğızıstan, Moldova, Tacikistan, Türkmənistan və Özbəkistanda yeni nümayəndəliklər açılacaq. RF-nin ticarət nümayəndəlikləri 42 ölkədə saxlanılır.
